الجزء التالث :قصتي مع مولات شيبي
الجزء الثالت:قصتي مع مولات شيبي
هبت مع دروج لي جيت منهم طالع ليا لقردة مع خادي جيهت سبور كنطلع عيني فلكولوار كاتبان ليا اميمة كتكول ليها شي حاجة اكيضحكوا شافوني كانشوف فيهوم اهوما اسكتوا تما عرفت بلي اميمة كالت ليها شي حاجة مشيت شربت ارجعت ريحت فدروج كلت خنطلع بزرب ندخل مع نجلاء انريح حداها
طلعت لقيتهم كيدخلوا دخلت تسنيت نجلاء تكلسات مشيت كنجري باش نسبق اميمة حيت كانت خادا تكلس حداها درت من صف لاخر نقزت طاويلات اكلست حداها يلاه بخات تنوض نجلاء ا انا نشدها من يديها كلت ليها كلسي بخت نهضر معاك كالت ليا اوكي كلت ليها علاش مجاوبتينيش كبيلة كالت ليا بخيت كلت ليها الى كانت كالت ليك اميمة شي حاجة عليا راه غير كدبات عليك حيت انا مخاصم معاها مكاندويهاش اماكنحملهاش كالت ليا ماكالت ليا اميمة والوا خير ما بغيتش نجابك ا انا نكوليها اوكي صافي نساي داكشي عندك فاسبوك كالت ليا اه كوتباتوا ليا كولت ليها ا عندك واتساب كتبات ليا نمرة ا كلت ليها ندويو بليل كالت لي اوكي دوزنا لحصة احنا ساكتين سالاو دوك ساعتين غير بزز مشيت لدار نعست من لخمسة تال ثمنية فقت ا نا نتفكر نجلاء دخلت لفايس سيفت ليها انفيطاسيون
دازوت شي ربع ساعة قبلاتني بدينا كندويو كالت ليا خدمتي الماط كدبت عليها كلت ليها اه كالت ليا صور ليا نقل ا انا نكول مع راسي كيفاش خنحل هاد لموشكيل شديت واحد تمارين قدام نقلتهم ا درت رقم تمرين لي عندنا صورت اسيفت ليها فواتساب اكولت ليها هاهوما سيفتهم اودرت اوطوكولان ديال قلب كالت ليا اش هاد تغربيق كلت ليها لي عرفت خروجتوا ا هي تكول ليا اوكي ا انا نكوليها بغيت نكول واحد لحاجة كالت ليا كول
كلت ليها كتعجبيني اهيا طلع ليا فو ف واتساب ...
Posted via Blogaway
ليست هناك تعليقات :
إرسال تعليق